मैं तो जाऊंगा जाऊंगा बालाजी
आया होली का त्यौहार।।

स फागण का मस्त महीना,
चौड़ा होया फुल क सीना,
स देवों में देव नगीना,
बाबा बहोत बड़ा दातार,
मैं तो जाऊंगा जाऊँगा बालाजी,
आया होली का त्यौहार।।

जावः भक्तां की टोली,
खेलं बाबा गेलयां होली,
ओली किस्मत होज्या सोली,
जब बाबा का बरसः प्यार,
मैं तो जाऊंगा जाऊँगा बालाजी,
आया होली का त्यौहार।।


लयादे लाल धज्जा बणवाके,
गोटा बिमक भी लगवाके,
लाल लंगोटा दे सिमवाके तुं त,
क्युं कर री स वार,
मैं तो जाऊंगा जाऊँगा बालाजी,
आया होली का त्यौहार।।

सारे नियम तुं समझादे,
मेंहदीपुर की राह बतादे,
चादर राम नाम की लयादे,
मानुं कोनया हार,
मैं तो जाऊंगा जाऊँगा बालाजी,
#bhajanpotli
आया होली का त्यौहार।।


‘सुरजभान’ भक्त भी जावः,
उड़ै ‘कर्मबीर’ भी पावः,
‘कौशिक जी’ भजन सुणावः,
बरसः रंगों की बौछार,
मैं तो जाऊंगा जाऊँगा बालाजी,
आया होली का त्यौहार।।